Ólöglegt varnarefni í baunum.
Frétt -
03.11.2023
Athugið að þessi frétt er ársgömul eða eldri.
Matvælastofnun varar við neyslu á einni framleiðslulotu af Tropical Sun Blackeye baunum sem Lagsmaður/fiska.is flytur inn og selur í verslun sinni vegna ólöglegs varnarefnis klórpýrifos (chorpyrifos) sem greindist í vörunni. Fyrirtækið hefur í samráði við heilbrigðiseftirlit Garðabæjar, Hafnarfjarðar, Kópavogs, Seltjarnarnes og Mosfellsbæjar (HEF) innkallað vöruna.
Innköllunin á eingöngu við eftirfarandi framleiðslulotu:
- Vörumerki: Tropical sun
- Vöruheiti: Blackeye beans
- Best fyrir: 30.3.2025
- Nettómagn: 500g
- Geymsluskilyrði: Þurrvara
- Framleiðandi: Wanis Limited, Golden house orient Way, Leyton, London UK
- Framleiðsluland: Peru
- Heiti og heimilisfang fyrirtækis sem innkallar vöru: Fiska.is Nýbýlavegi 6 200 Kópavogur
Neytendum sem keypt hafa vöruna er bent á að neyta hennar ekki og skila henni til verslunarinnar gegn endurgreiðslu.