Söfnun eða ræktun á þangi/þara
Þang / Þari sem matvæli
Söfnun eða ræktun þangs/þara telst vera frumframleiðsla matjurta í skilningi matvælalaga nr. 93/1995. Sú starfsemi er því tilkynningaskyld til viðkomandi heilbrigðisnefndar. Yfirlit yfir heilbrigðisnefndir er að finna hér: http://www.shi.is
Ef starfseminni fylgir vinnsla og pökkun í neytendaumbúðir er sú starfssemi starfsleyfisskyld hjá heilbrigðisnefnd. Matvælaeftirlit með þessari starfsemi er því alfarið hjá heilbrigðisnefndum.
Þang / Þari sem fóður
Ef ætlunin er að nýta þangmjöl og annað slíkt sem fóður og setja á markað þarf að sækja um skráningu vinnslunnar sem fóðurfyrirtæki til Matvælastofnunar sem heldur skrá yfir fóðurfyrirtæki samkvæmt lögum um eftirlit með fóðri, áburði og sáðvöru nr. 22/1994. Gæta þarf af óæskilegum efnum í fóðrinu, en arsen hefur mælst yfir leyfðum mörkum í þaramjöli.
Þang / Þari sem áburður
Ef ætlunin er að vinna áburð úr þangi/þara sem safnað er er nauðsynlegt að sækja um skráningu til vinnslunnar sem áburðarfyrirtæki til Matvælastofnunar og jafnframt sækja um skráningu áburðarins samkvæmt lögum um eftirlit með fóðri, áburði og sáðvöru nr. 22/1994
Leyfi frá Fiskistofu
Að auki þarf:
- leyfi frá Fiskistofu til að afla sjávargróðurs,
- leyfi frá Fiskistofu fyrir svæði til nýtingar
- leyfi frá Fiskistofu fyrir starfrækslu móttökustöðvar fyrir þang.
Nánari upplýsingar fást hjá Fiskistofu og í neðangreindum reglugerðum:
- Reglugerð nr. 90/2018 um öflun sjávargróðurs í atvinnuskyni
- Reglugerð nr. 745/2016 um vigtun og skráningu sjávarafla, sbr. reglugerð nr. 91/2018
- Reglugerð nr. 298/2020 um skráningu og rafræn skil aflaupplýsinga
Veiðigjald
Einnig skal greiða veiðigjald fyrir þessa öflun sem Fiskistofa innheimtir, sjá lög um veiðigjald nr. 145/2018 (veiðigjald fyrir sjávargróður 500 kr á hvert landað tonn).