Útflutningur á heyi

Útflutningur á heyi til landa innan EES

Bændur sem flytja út hey frá Íslandi til annara landa eiga að vera skráðir hjá Matvælastofnun sem fóðurfyrirtæki. Hey er ekki í frjálsu flæði innan EES. Kröfur um innflutning á heyi eru mismunandi milli landa EES.  

Útflutningur á heyi til landa utan EES

Nokkuð er um útflutning á heyi til Færeyja sem teljast utan EES. Matvælastofnun hefur eftirlit með útflytjendum og vottar heysendingar og staðfestir að þær uppfylli kröfur færeyskra dýralæknayfirvalda sem eru eftirfarandi:

• Húsdýr skulu ekki ganga á því landi sem notað er til að afla heyjanna.
• Ekki skal borinn húsdýraáburður á túnin.
• Girðingar skulu vera fjár- og dýraheldar.
• Garnaveiki má ekki hafa greinst á býlinu í 10 ár.
• Riða má ekki hafa greinst á býlinu í 20 ár.
• Vélar og tæki sem notuð eru til heyskaparins skulu þvegin og sótthreinsuð eftir tilteknum verklagsreglum.