Magnmerkingar
- Magnmerkingar eiga við matvæli sem innihalda meira en eitt hráefni. Ákveðnar undantekningar gilda þó
- Magnmerkingar eiga einnig við matvæli sem eru undanþegin kröfu um innihaldslýsingu. Í þeim tilvikum þarf magnmerkingin að koma fram í eða við heiti vöru, nema innihaldslýsing sé gefin upp valfrjálst, þá getur magnmerkingin komið þar
- Krafa um magnmerkingar gildir fyrir forpökkuð matvæli
- Seljanda er skylt að geta veitt neytendum samskonar magnupplýsingar um matvæli sem ekki eru forpökkuð
- Magnmerkingar eiga ekki við um náttúrulegt innihald efna í matvælum, sem ekki hefur verið bætt í s.s. magn koffíns í kaffi eða vítamína og steinefna í ávaxtasafa
Hvenær á að magnmerkja?
- innihaldsefnin koma fyrir í heiti matvöru eða neytendur tengja innihaldsefnin yfirleitt við það heiti
- áhersla er á innihaldsefni í orðum, myndum eða grafískri framsetningu
- innihaldsefni eru nauðsynleg til að einkenna matvælin og greina þau frá öðrum matvörum
Hvenær þarf ekki að magnmerkja?
- Matvara er á föstu formi í legi og þyngd síaðrar vöru kemur fram á umbúðum
- Innihaldsefni í litlu magni til að gefa bragð
- Magn innihaldsefnis í heiti, en ekki afgerandi þáttur við val
- Ávaxta- og grænmetisblöndur, krydd- og kryddjurtablöndur
- Þegar sætuefni eru notuð
- Þegar varan er vítamín- eða steinefnabætt
Hvernig á að magnmerkja?
Merking á magni innihaldsefna skal koma fram
- í tengslum við vöruheiti eða
- í tengslum við viðkomandi innihaldsefni í innihaldslýsingu
Aðalreglan er sú að merkja á magn innihaldsefna í prósentum. Miða skal við það magn sem notað er við framleiðslu vörunnar, eins og gert er þegar innihaldslýsing er sett á vörur. Næringargildismerking kemur ekki í staðinn fyrir merkingu á magni innihaldsefna.
Leiðbeiningar
Í leiðbeiningum Matvælastofnunar um magnmerkingar er að finna ýmis dæmi og frekari leiðbeiningar um hvenær og hvernig á að magnmerkja