Útflutningur katta
Fylgdu eftirfarandi leiðbeiningum til að flytja út kött. Ef þú ert með spurningar, ræddu við okkur í gegnum netspjallið neðst til hægri á síðunni. Netspjallið er opið/birt alla virka daga frá kl. 9-12 og 13-15.
- Ólíkar reglur gilda um útflutning katta, eftir því um hvaða land er að ræða.
- Samræmdar kröfur gilda um innflutning katta til landa innan Evrópusambandsins, Noregs og Sviss en ólíkar reglur gilda um vottun eftir því hvort þeir ferðast í fylgd með eiganda/útflytjanda eða eru fluttir án fylgdar t.d. með frakt. Eftirlit á landamærum ESB er mjög strangt og uppfylli kettir ekki ítrustu kröfur getur það haft þær afleiðingar að þeir eru sendir til baka eða þurfa að sæta einangrun í skemmri eða lengri tíma.
- Fyrir áritun vottorða eða skoðun vegna útflutnings hjá Matvælastofnun, skal panta tíma með því að fylla út eyðublað 2.40 í þjónustugátt MAST (sjá nánari skýringar að neðan).
Evrópusambandið, Noregur, Sviss - köttur fluttur með fylgd
Eftirfarandi skilyrði gilda um ketti sem flytja á til ESB/Noregs/Sviss með fylgd
- Kötturinn skal vera örmerktur.
- Kötturinn skal vera bólusettur gegn hundaæði og skal hafa náð 12 vikna aldri við bólusetningu.
- Í fyrsta lagi 21 degi eftir bólusetningu getur dýralæknir gefið út heilbrigðisvottorð vegna útflutnings.
- Vottorðið skal yfirfarið og áritað af dýralækni hjá Matvælastofnun í mesta lagi 10 dögum fyrir brottför (sjá nánar um vottorð hér að neðan)
- Panta þarf tíma fyrir áritun heilbrigðisvottorðs með því að fylla út eyðublað 2.40 í þjónustugátt MAST. Áritun fer fram hjá umdæmisskrifstofum á Dalshrauni 1b, Hafnarfirði; Sæmundargötu 1, Sauðárkróki; Furuvöllum 1, Akureyri og Austurvegi 64, Selfossi.
- Hafa skal meðferðis vottorð undirritað af dýralækni og heilsufarsbók kattarins þar sem fram koma upplýsingar um örmerki og bólusetningu gegn hundaæði.
- Gjald fyrir áritun er 5.081 kr. Athugið að hér er um að ræða lágmarksgjald sem miðast við að fullnægjandi upplýsingar og gögn séu lögð fram innan viðeigandi tímaramma. Sé svo ekki getur það haft aukinn kostnað í för með sér og innheimt er fyrir slíkt skv. tímagjaldi.
Nánari upplýsingar
- Örmerki: kötturinn skal vera örmerktur áður en hann er bólusettur.
- Hundaæðisbólusetning: lágmarksaldur katta fyrir bólusetningu gegn hundaæði er 12 vikur. Flytja má köttinn út í fyrsta lagi 21 degi eftir bólusetningu gegn hundaæði.
- Undanþágur frá hundaæðisbólusetningu: eftirtalin lönd heimila innflutning óbólusettra kettlinga sem eru yngri en 12 vikna gömul: 1) Austurríki (sækja þarf um undanþágu til dýralæknayfirvalda), 2) Tékkland, 3) Danmörk, 4) Eistland, 5) Litháen og 6) Sviss. Athugið að þessi landalisti getur breyst fyrirvaralítið en uppfærðan lista má sjá hér (dálkur 2, article 11 of regulation (EU) No 567/2013). Slíkur innflutningur er heimilaður ef annað hvort; (a) ræktandi leggur fram yfirlýsingu um að dýrið hafi ekki komist í kynni við dýr sem voru mögulega smituð af hundaæði, eða(b) dýrið er flutt inn ásamt móður sinni sem hefur verið bólusett gegn hundaæði í samræmi við innflutningskröfur. ATH! Þetta gildir eingöngu fyrir þau dýr sem ferðast á sk. non-commercial vottorði. Vottorð fyrir kettlinga yngri en 12 vikna.
- Fylgdarmaður dýrs: sá sem fylgir hundinum í flug (eða skip) skal vera skráður bæði sendandi og viðtakandi (consignor og consignee) á vottorðinu. Sá hinn sami skal einnig undirrita yfirlýsingu á bls 6 í vottorðinu.
- Útflutningsvottorð: nota skal þetta eyðublað fyrir sk. "non-commercial" vottorð (6 síður) sem gefið er út af Matvælastofnun skv reglum ESB þar að lútandi. Mælt er með því að fylla inn upplýsingarnar í tölvu (ekki handskrifa). Dýralæknir fyllir út vottorðið og svo þarf áritun og stimpil hjá opinberum dýralækni, þ.e. hjá Matvælastofnun. Vottorð þessi sem eru ígildi evrópska gæludýravegabréfsins veita inngöngu í ESB, Noreg og Sviss í 10 daga eftir útgáfu, og gilda í 4 mánuði fyrir ferðalög innan ESB. Sé ekki staðið rétt að útgáfu útflutningsvottorðs gæti dýrið verið stöðvað á landamærum móttökulands og jafnvel þurft að sæta einangrun.
- Ítarlegar leiðbeiningar um útfyllingu "non-commercial" vottorðs
Evrópusambandið, Noregur, Sviss - köttur fluttur án fylgdar
Eftirfarandi skilyrði gilda um hunda sem fluttir eru án fylgdarmanns, þ.e. sem frakt.
- Kötturinn skal vera örmerktur.
- Kötturinn skal vera bólusettur gegn hundaæði og verður að hafa náð 12 vikna aldri við bólusetningu. Bólusetning skal fara fram a.m.k. 21 degi fyrir útflutning (í mesta lagi ári fyrir).
- Innan við 48 tímum fyrir brottför skal kötturinn heilbrigðisskoðaður af eftirlitsdýralækni hjá Matvælastofnun, inn- og útflutningsdeild, Dalshrauni 1B, Hafnarfirði. Heilbrigðisvottorð er gefið út að skoðun lokinni.
- ATH!! Í þessum tilfellum þarf þjónustudýralæknir ekki að gefa út vottorð þar sem útflutningsvottorð er gefið út af MAST.
Panta þarf tíma í heilbrigðisskoðun með því að fylla út eyðublað 2.37 í þjónustugátt.
Eftirfarandi upplýsingar skulu liggja fyrir þegar sótt er um í þjónustugátt
- Nafn og heimilisfang útflytjanda
- Nafn og heimilisfang viðtakanda
- Flugupplýsingar (flugnúmer, dags., tími, farmbréfsnúmer (AWB), komustaður, flugvöllur)
- Örmerkisnúmer kattar
- Dagsetning örmerkingar eða síðasta aflesturs örmerkis. Kötturinn skal hafa verið örmerktur fyrir bólusetningu gegn hundaæði. Ef dagsetning örmerkingar er ekki þekkt þá skal skrá dagsetningu bólusetningar hundaæðis. Dýralæknir skal lesa örmerkið á sama tíma og kötturinn er bólusettur.
- Bólusetning gegn hundaæði (heiti bóluefnis, lotunúmer, dagsetning bólusetningar, gildistími bólusetningar)
Þegar umsókn hefur verið móttekin mun Matvælastofnun hafa samband við útflytjanda til þess að bóka tíma fyrir heilbrigðisskoðun og útgáfu vottorðs á Dalshrauni 1B í Hafnarfirði. Afgreiðslutími er virka daga frá kl. 9-12 og 13-15. Athugið að brottför á mánudagsmorgni er ekki möguleg þar sem heilbrigðisskoðun þarf að fara fram innan 48 tíma fyrir brottför.
Gjald fyrir heilbrigðisskoðun og vottorð er 10.162 kr. Athugið að hér er um að ræða lágmarksgjald sem miðast við að fullnægjandi upplýsingar og gögn séu lögð fram innan viðeigandi tímaramma. Sé svo ekki getur það haft aukinn kostnað í för með sér og innheimt er fyrir slíkt skv. tímagjaldi.
Bretland - köttur fluttur með fylgd
Bretland er ekki lengur hluti af Evrópusambandinu. Sambærileg skilyrði og vegna innflutnings til ESB verða þó áfram í gildi. Útflytjandi skal ávallt kynna sér reglurnar á vef breskra yfirvalda.
Eftirfarandi skilyrði gilda um ketti sem flytja á til Bretlands með fylgd
- Kötturinn skal vera örmerktur.
- Kötturinn skal vera bólusettur gegn hundaæði og skal hafa náð 12 vikna aldri við bólusetningu.
- Í fyrsta lagi 21 degi eftir bólusetningu getur dýralæknir gefið út heilbrigðisvottorð vegna útflutnings.
- Vottorðið skal yfirfarið og áritað af dýralækni hjá Matvælastofnun í mesta lagi 10 dögum fyrir brottför (sjá nánar um vottorð hér að neðan)
- Panta þarf tíma fyrir áritun heilbrigðisvottorðs með því að fylla út eyðublað 2.40 í þjónustugátt MAST. Áritun fer fram hjá umdæmisskrifstofum á Dalshrauni 1b, Hafnarfirði; Sæmundargötu 1, Sauðárkróki; Furuvöllum 1, Akureyri og Austurvegi 64, Selfossi.
- Hafa skal meðferðis vottorð undirritað af dýralækni og heilsufarsbók þar sem fram koma upplýsingar um örmerki og bólusetningu gegn hundaæði.
- Gjald fyrir áritun er 5.081. Athugið að hér er um að ræða lágmarksgjald sem miðast við að fullnægjandi upplýsingar og gögn séu lögð fram innan viðeigandi tímaramma. Sé svo ekki getur það haft aukinn kostnað í för með sér og innheimt er fyrir slíkt skv. tímagjaldi.
Nánari upplýsingar
- Örmerki: dýrið skal vera örmerkt áður en það er bólusett.
- Hundaæðisbólusetning: lágmarksaldur katta fyrir bólusetningu gegn hundaæði er 12 vikur. Flytja má köttinn út í fyrsta lagi 21 degi eftir bólusetningu gegn hundaæði.
- Fylgdarmaður dýrs: sá sem fylgir kettinum í flug (eða skip) skal vera skráður bæði sendandi og viðtakandi (consignor og consignee) á vottorðinu. Sá hinn sami skal einnig undirrita yfirlýsingu á síðustu síðu vottorðsins.
- Útflutningsvottorð: Vottorð vegna útflutnings á hundi / ketti með fylgd til Bretlands. Dýralæknir fyllir út vottorðið og svo þarf áritun og stimpil hjá opinberum dýralækni, þ.e. hjá Matvælastofnun (Dalshrauni 1b í Hafnarfirði, Austurvegi 64, Selfossi eða á umdæmisskrifstofum). Vottorðið gildi í 10 daga eftir útgáfu. Sé ekki staðið rétt að útgáfu útflutningsvottorðs gæti dýrið verið stöðvað á landamærum móttökulands og jafnvel þurft að sæta einangrun.
Bretland - köttur fluttur án fylgdar
Eftirfarandi skilyrði gilda um ketti sem fluttir eru án fylgdarmanns, þ.e. sem frakt.
- Ef þú ert að flytja kött frá Íslandi til Bretlands án fylgdar telst það vera innflutningur í atvinnuskyni. Fylgja þarf ferlinu hér að neðan. Varðandi skatta og gjöld, vinsamlegast hafðu samband við HMRC
- Þetta er listi yfir flugfélög og komuflugvelli fyrir gæludýraflutning:
- Skilyrði er að þetta vottorð fylgi dýrinu og skal það gefið út af dýralæknayfirvöldum á Íslandi.
- Viðskiptaferli: Kröfur um útflutning hunda, katta og fretta eru settar fram í Import Information Note (IIN) BLLV/5b.
- Tilkynning til breskra dýralæknayfirvalda (APHA um innflutning: Innflutning lifandi dýra skal tilkynna APHA á hér.
- Tilkynna skal um innflutninginn að minnsta kosti einum virkum degi áður en búist er við að dýrið/dýrin komi á komustað
- Þegar innflutningstilkynning hefur verið send færðu útgefið tilkynningarnúmer (UNN) Snið þessa númers verður CHEDA.GB.2024.XXXXXXX og skal framvísa því til útflytjanda og opinbers dýralæknis sem mun bæta því við heilbrigðisvottorð fyrir dýrið þitt og gefa þér afrit.
- Skannað afrit af undirrituðu heilbrigðisvottorðinu skal síðan hlaðið upp á IPAFFS af útflytjanda/innflytjanda.
Panta þarf tíma í heilbrigðisskoðun með því að fylla út eyðublað 2.37 í þjónustugátt. Eftirfarandi upplýsingar skulu liggja fyrir þegar sótt er um í þjónustugátt
- Nafn og heimilisfang útflytjanda
- Nafn og heimilisfang viðtakanda
- Flugupplýsingar (flugnúmer, dags., tími, farmbréfsnúmer (AWB), komustaður, flugvöllur)
- Örmerkisnúmer kattar
- Dagsetning örmerkingar eða síðasta aflesturs örmerkis. Kötturinn skal hafa verið örmerktur fyrir bólusetningu gegn hundaæði. Ef dagsetning örmerkingar er ekki þekkt þá skal skrá dagsetningu bólusetningar hundaæðis. Dýralæknir skal lesa örmerkið á sama tíma og kötturinn er bólusettur.
- Bólusetning gegn hundaæði (heiti bóluefnis, lotunúmer, dagsetning bólusetningar, gildistími bólusetningar)
Þegar umsókn hefur verið móttekin mun Matvælastofnun hafa samband við útflytjanda til þess að bóka tíma fyrir heilbrigðisskoðun og útgáfu vottorðs á Dalshrauni 1B í Hafnarfirði. Afgreiðslutími er virka daga frá kl. 9-12 og 13-15. Athugið að brottför á mánudagsmorgni er ekki möguleg þar sem heilbrigðisskoðun þarf að fara fram innan 48 tíma fyrir brottför.
Gjald fyrir heilbrigðisskoðun og vottorð er 10.162 kr. Athugið að hér er um að ræða lágmarksgjald sem miðast við að fullnægjandi upplýsingar og gögn séu lögð fram innan viðeigandi tímaramma. Sé svo ekki getur það haft aukinn kostnað í för með sér og innheimt er fyrir slíkt skv. tímagjaldi.
Bandaríkin
Upplýsingar um innflutning gæludýra á vef CDC í Bandaríkjunum
Önnur lönd
Innflutningsskilyrði eru ávallt sett af viðkomandi ríkjum. Mikilvægt er að eigendur dýra afli sér upplýsinga um gildandi skilyrði í því landi sem við á. Í þeim tilfellum sem krafist er áritunar dýralæknayfirvalda í útflutningslandi (MAST) skal setja sig í samband við Inn- og útflutningsdeild með góðum fyrirvara. Hér má finna tengla nokkura ríkja þar sem finna má upplýsingar um innflutningsskilyrði gæludýra.