Mögulegt eldgos í eða við Grindavík

Ríkislögreglustjóri í samráði við lögreglustjórann á Suðurnesjum hefur ákveðið að færa almannavarnastig af óvissustigi upp á hættustig vegna kvikusöfnunar undir Svartsengi, sjá nánar https://www.almannavarnir.is/frettir/haettustig-almannavarna-vegna-kvikusofnunar-undir-svartsengi/. Ekki er talið ólíklegt að eldgos eða kvikuhlaup verði á næstu vikum.

Veðurstofa Íslands birtir góða greinargerð um stöðuna á vefsíðu sinni (https://www.vedur.is/um-vi/frettir/jardhraeringar-grindavik) og fjallar um tvær meginsviðsmyndir, en útilokar ekki þann möguleika að gossprunga opnist innan Grindavíkur. Ennfremur er bent á að hraunflæðilíkön sýni að ef gýs við Hagafell gæti hraunflæði lokað flóttaleiðum á landi út úr bænum á nokkrum klukkustundum.

Matvælastofnun hvetur dýraeigendur, einkum eigendur landdýra sem kunna að vera í eða við Grindavík, til að koma þeim á öruggan stað sem fyrst vegna möguleika á gosi og hraunrennslis á svæðinu. Almannavarnir hafa gefið út að fyrirvari goss sé bæði styttri og ógreinanlegri. Komi til eldsumbrota er líklegt að tími til að fanga og flytja dýr verði of stuttur.