Hveiti ekki tilgreint í Vegan lasagna

Matvælastofnun varar neytendur með ofnæmi eða óþol fyrir hveiti við Vegan lasagna frá PreppUp sem Mealprep ehf. framleiðir. Ofnæmisvaldurinn hveiti er ekki tilgreindur í innihaldslýsingu vörunnar. Fyrirtækið innkallar vöruna af markaði með aðstoð Heilbrigðiseftirlits Hafnarfjarðar, Garðabæjar og Kópavogs.

Um er að ræða innköllun á öllum lotum og framleiðsludagsetningum:

• Vörumerki: PreppUp
• Vöruheiti: Vegan lasagna
• Framleiðandi: Mealprep ehf.
• Lotunúmer/best fyrir dagsetning: Allar lotur/dagsetningar
• Dreifing: Hagkaup, Nettó, Iceland, Heimkaup, Krambúðin og Kjörbúðin um allt land

Varan er skaðlaus þeim sem ekki eru með ofnæmi eða óþol fyrir hveiti. Viðskipavinir með ofnæmi/óþol skulu ekki neyta vörunnar og farga/skila gegn endurgreiðslu til:

Mealprep ehf. (PreppUp)
Hlíðarsmára 8
201 Kópavogi

Ítarefni

• Fréttatilkynning Heilbrigðiseftirlits Hafnarfjarðar, Garðabæjar og Kópavogs
• Leiðbeiningar Matvælastofnunar um merkingu á ofnæmis- og óþolsvöldum
• Þessum upplýsingum átt þú rétt á - upplýsingaspjald Matvælastofnunar um merkingar matvæla
• Listi Matvælastofnunar yfir innkallanir
• Neytendavakt Matvælastofnunar á Facebook