Kína - útflutningur matvæla
Kínversk yfirvöld setja ströng skilyrði fyrir erlenda framleiðendur matvæla sem ætla að flytja afurðir sínar til Kína.
Frá 1. janúar 2022 þurfa allir erlendir framleiðendur matvæla að skrá sig í CIFER (China Import Food Enterprises Registration) undir Single Window gáttinni áður en þeir hefja útflutning til Kína.
Í september 2024 tilkynnti kínverska tollgæslan (GACC) uppfærslu á skráningarkerfi fyrir erlenda útflytjendur og kínverska innflytjendur matvæla til Kína. Annarsvegar er um að ræða nýtt 18-stafa skráningarnúmer fyrir fyrirtæki og hins vegar ný vefslóð fyrir nýskráningu:
18-stafa skráningarnúmer fyrir tollafgreiðslu í Kína: Allir erlendir útflytjendur og kínverskir innflytjendur skulu nota 18-stafa númer við tollafgreiðslu innfluttra matvæla til Kína. Þeir sem eru þegar skráðir geta fundið nýju 18-stafa skráningarnúmerin sín á vef kínversku tollgæslunnar hér
Listinn yfir íslenska útflytjendur matvæla til Kína birtist á þessari slóð þegar númerið „322“ er slegið inn í reitinn „Land/Svæði“ og smellt er á síðasta hnappinn til hægri við reitinn „Skráningarnúmer“.
Tveir nýir skráningartenglar: Þeir sem hafa ekki skráð sig geta sótt um skráningarnúmer á netinu á annarri hvorri af tveimur vefsíðum kínversku tollgæslunnar: singlewindow.cn eða online.customs.gov.cn
Hvorugur þessara tengla er á ensku. Kínverskur innflytjandi eða umboðsmaður útflytjandans verður einnig að skrá sig, og er því farsælast að íslenski útflytjandinn biðji viðkomandi aðila um aðstoð við skráninguna.
Fyrra skráningarkerfið er ekki lengur í gildi (ire.customs.gov.cn)
Matvælastofnun leggur áherslu á ábyrgð framleiðenda að kynna sér vel það regluverk sem gildir í Kína varðandi erlenda framleiðendur og matvæli. Það er á ábyrgð framleiðenda að uppfylla allar kröfur. Á þessari síðu má nálgast ýmsar upplýsingar varðandi kröfur Kínverja og skráningarferlið.
Matvælastofnun hefur milligöngu um skráningu framleiðenda af ákveðnum afurðum og er það stjórnvald á Íslandi sem ber ákveðna ábyrgð á eftirliti með þeim sem hyggjast flytja matvæli til Kína.
GACC (General Administration of Customs of the People's Republic of China) er það stjórnvald í Kína sem fer með umsjón með málaflokknum.
Flokkar matvæla
Framleiðendum er bent á að nota upplýsingar úr kínversku tollskránni til að ákvarða í hvaða afurðarflokk þeirra afurðir falla. Eftirfarandi flokkun er notuð til ákvörðunar um hvers konar skráning í CIFER sé nauðsynleg. Sjá nánar í Tilskipun 248.
|
Mikil áhætta Matvælastofnun hefur milligöngu um skráningu Í CIFER |
Meðal áhætta Matvælastofnun hefur milligöngu um skráningu í CIFER |
Lítil áhætta Fyrirtæki sjá sjálf um skráningu í CIFER |
|
Kjöt og kjötafurðir |
Garnir
Býafurðir |
Vörur sem eru ekki flokkaðar með mikla eða meðal áhættu eru álitnar með litla áhættu. Framleiðendur þeirra afurða sækja sjálfir um leyfi til útflutnings til Kína í Single Window. |
Framleiðendur þurfa auk þess að vera með viðskiptaaðila (innflytjanda) í Kína og þau tengsl þarf að skrá sérstaklega. Matvælastofnun kemur ekki að þessari skráningu.
Afurðaskráning, samþykktar afurðir og samningar
Listi yfir samþykktar afurðir (lagarafurðir)
Aðeins má flytja til Kína afurðir af þeim tegundum sem tilgreindar eru í lista yfir samþykktar afurðir. Listinn er í höndum kínverskra yfirvalda og byggist á sögu um viðskipti með afurðir og/eða umsóknum Íslands um viðbætur á listann.
Samningar
Framleiðendur skulu kanna hvort milliríkjasamningur sé nauðsynlegur grundvöllur fyrir útflutningi afurða þeirra til Kína. Samningar sem þegar eru í gildi milli Íslands og Kína eru um:
Síld
5 fiskar
Eldisafurðir
Lambakjöt
Fiskimjöl og lýsi
Ull
Skráningarferlið
Starfsleyfi á Íslandi
- Fyrirtæki sem hafa ekki starfsleyfi til framleiðslu á Íslandi byrja á því að sækja um starfsleyfi í þjónustugátt MAST eða hjá heilbrigðiseftirlitinu í sínu umdæmi.
Útflutningsleyfi til Kína
- Framleiðendur með starfsleyfi á Íslandi sækja um leyfi til útflutnings til Kína í þjónustugátt Matvælastofnunar - Umsókn 4.36
Umsókn í Single Window
- Matvælastofnun veitir framleiðanda aðgang að CIFER Single Window skráningarkerfinu. Aðeins einn aðgangur er búinn til fyrir hvert starfsstöðvarnúmer.
- Nafn og heimilisfang skal vera skráð í nefnifalli.
- Framleiðendur skrá inn ýmsar upplýsingar um fyrirtækið og hlaða inn gögnum sem óskað er eftir (stjörnumerkt) s.s. teikningum, starfsleyfi, yfirlýsingu o.fl. Allar upplýsingar og gögn þurfa að vera á ensku eða kínversku.
Gátlisti
- Framleiðendur skulu fara yfir gátlista sem vísar í viðeigandi reglur í Kína. Þessum gátlista þarf að svara og hann skal undirritaður af ábyrgðarmanni fyrirtækisins. Matvælastofnun staðfestir upplýsingarnar og áframsendir gátlistann til yfirvalda Kína þegar umsóknin telst fullunnin.
- Framleiðendur þurfa að kynna sér vel þær kröfur sem eru gerðar eru í Kína til erlendra framleiðenda.
Úttekt
- Matvælastofnun gerir úttekt á fyrirtækinu skv. kínverskum kröfum með áðurnefndan gátlista til grundvallar. Niðurstaða úttektarinnar ákvarðar hvort Matvælastofnun mæli með skráningu fyrirtækisins við kínversk yfirvöld eða hvort þurfi að gera lagfæringar áður. Þegar fyrirtækið telst uppfylla allar kröfur og allar upplýsingar eru til staðar í umsókninni er umsóknin send til kínverskra yfirvalda, með fylgigögnum.
- Allur tilfallandi kostnaður af úttektinni greiðist af umsækjanda.
Myndbandsúttekt
- Í einhverjum tilfellum munu kínversk yfirvöld óska eftir myndbandsúttekt á umsækjendum.
- Umsækjandi þarf þá að standa straum af kostnaði t.d. vegna tækjaleigu eða annars svo hægt sé að framkvæma myndbandsúttektina á viðeigandi hátt.
Umsókn samþykkt - leyfi veitt
- Þegar kínversk yfirvöld hafa samþykkt fyrirtækið fær fyrirtækið kínverskt skráningarnúmer.
Umsókn um breytingu
- Þegar þarf að breyta upplýsingum þarf að sækja um breytingu á leyfi (modification application).
- Þessi umsókn á við t.d. þegar þarf að bæta við nýjum afurðum í leyfið, uppfæra gögn o.s.frv.
- Allir forskráðir framleiðendur (sem voru á lista fyrir 1. janúar 2022) þurftu að uppfæra skráningu sína með breytingarumsókn. GACC gaf almennan frest til 30. júní 2023 til þess að uppfæra skráningar. Ýmsar upplýsingar vantaði og mikilvægt er að tryggja réttar upplýsingar.
- Þær upplýsingar sem þarf að skrá eru m.a.:
- Upplýsingar um tengiliði og stjórnendur
- Nákvæmar upplýsingar um vörur sem framleiðandi vill flytja út (leyfi einskorðast við afurðir sem eru skráðar). Til þess þarf upplýsingar um kínversk tollskrárnúmer
- Upplýsingar um vinnslu og mannauð
- Með breytingarumsókn þurfa eftirfarin gögn að fylgja:
- Afrit af starfsleyfi
- Útfylltur og undirritaður gátlisti.
- Útfyllt og undirituð yfirlýsing framleiðanda
- Teikning af húsnæði
- Flæðirit fyrir skráðar afurðir
Umsókn um endurnýjun
- Leyfi er gefið út í fimm ár í senn. Þremur til sex mánuðum áður en leyfið rennur út þurfa framleiðendur að sækja um endurnýjun á leyfinu sínu. Upplýsingar um gildistíma skráninga er að finna á ciferquery.singlewindow.cn
- Með endurnýjunarumsókn þarf að fylgja ný yfirlýsing frá framleiðanda (e. declaration of conformity for continued registration, hægt að nálgast inn í CIFER) og útfylltur og undirritaður gátlisti.
Merkingar
Framleiðenum er bent á að kynna sér vel þær kröfur sem gerðar eru um merkingar. Tilskipun 249 fer m.a. yfir þær kröfur sem eru gerðar til merkinga ákveðinna afurðaflokka, bæði innri og ytri umbúða.
Lög og reglugerðir
- Decree 248 – Regulations of the PR China on the Registration and Administration of Overseas Manufacturers of Imported Food. Nánari túlkun einstaka ákvæðum á Decree 248
- Decree 249 – Administrative Measures on Import and Export Food Safety. Nánari túlkun á einstaka ákvæðum Decree 249
- Food Safety Law of the PR of China (2015)
- GB 2760-2014 – Use of Food Additives
- GB 2761-2011 – Maximum Levels of Mycotoxins in Foods
- GB 2762-2022 (ný útgáfa, óformleg þýðing), Eldri útgáfa: GB 2762-2017 – Maximum Levels of Contaminants in Foods
- GB 2763-2016 – Maximum Residue Limits of Pesticides in Food
- GB 5749-2006 – Standards for Drinking Water Quality
- GB 7718-2011 – General Rules for the Labelling of Prepackaged Foods
- GB 14881-2013 – General Hygienic Regulation for Food Production
- GB 14882-1994 – Limited Concentration of Radioactive Materials in Foods
- GB 19643-2016 – Algae and Their Products
- GB 29921-2013 – Maximum Levels of Pathogenic Bacteria in Foods
- GB 31602-2015 – Dried Sea Cucumber
- GB 27341-2009 – Hazard Analysis and Critical Control Point (HACCP) System – General Requirements for Food Processing Plant
- GB 2733-2015 – Fresh, Frozen Aquatic Products of Animal Origin
- GB 10133-2014 – Aquatic Product Condiments
- GB 10136-2015 – Aquatic Products of Animal Origin
- GB 20941-2016 – Hygienic Practice of Aquatic Products
- GB 31650-2019 – Maximum Residue Limits for Veterinary Drugs in Food
- CH 2023-0012 - Maximum Residue Limits for Veterinary Drugs in Food
Gott að hafa í huga
Þegar farið er inn á CIFER birtist heimasíðan á kínversku, en hægt er að velja tungumál með hnappi í efra hægra horninu. Gott er þó að þýða heimasíðuna yfir á ensku, t.d. með Google translate tóli.
Handbók fyrir CIFER. Nýjasta útgáfa er ávallt aðgengileg inn á CIFER.
Upplýsingafundir
Inn-og útflutningsdeild Matvælastofnunar hefur staðið upplýsingafundum fyrir framleiðendur um CIFER kerfið í tvígang. Tilefnið var að aðstoða og hvetja framleiðendur til þess að vinna í skráningum sínum.
Áhugasömum framleiðendum er bent á að einnig er hægt að nálgast upptöku af fyrri fundinum með því að hafa samband við Inn-og útflutningsdeild.
28.02.24 Glærur af CIFER kynningarfundi - Pétur Yang
28.02.24 Glærur af CIFER kynningarfundi - Mast
03.10.22 Glærur af CIFER upplýsingarfundi