Vanmerktur ofnæmis- og óþolsvaldur í pálmasykri
Innkallanir -
14.04.2025
Matvælastofnun varar neytendur sem hafa ofnæmi eða óþol fyrir súlfíti (brennisteinsdíoxíði) við neyslu á einni lotu af pálmasykri frá Thai dancer vegna þess að súlfítið kemur ekki fram í merkingum vörunnar. Fyrirtækið Filipino store ehf. hefur innkallað vöruna í samráði Heilbrigðiseftirlit Garðabæjar, Hafnarfjarðar, Kópavogs, Mosfellsbæjar og Seltjarnarnes.
Matvælastofnun fékk upplýsingar um vöruna í gegnum RASFF hraðviðvörunarkerfi Evrópu um matvæli og fóður.
Innköllunin á einungis við eftirfarandi framleiðslulotu:
- Framleiðandi: Thai Dancer
- Nafn vöru: Pálmasykur
- Pakkning: 200g
- Vörunúmer: 11396
- Lotunúmer: 260724
- Geymsluskilyrði: Þurrvara
- Best fyrir dagsetning: 26-07-2026
- Innflytjandi: Filipino store, Reykjavegi 62 Mosfellsbæ
- Dreifing: Filipino store, Langarima 23 Reykjavík
Neytendur geta skilað vörunni í búðina; ekki þarf að sýna kvittun, fullri endurgreiðslu heitið.