Vanmerktir ofnæmis- og óþolsvaldar í vörum frá Móður Náttúru

Matvælaeftirlit Heilbrigðiseftirlits Reykjavíkur hefur farið fram á að Gado Gado tilbúinn réttur, Hummus, Sólskinssósa og Til eru fræ frá Móður Náttúru ehf. verði innkölluð af markaði vegna vanmerktra ofnæmis- og óþolsvalda.

Vöruheiti:  Gado Gado tilbúinn réttur, Hummus, Sólskinssósa og Til eru fræ.
Ábyrgðaraðili; framleiðandi, innflytjandi og/eða dreifingaraðili: Móðir náttúra ehf, Gufunesvegi, 112 Reykjavík.

Auðkenni/skýringartexti: Um er að ræða Gado Gado, tilbúinn rétt úr smjörbaunum og grænmeti, Hummus, Sólskinssósa og fræblöndu "Til eru fræ". Ekki kemur fram í innihaldslýsingu á umbúðum að vörurnar innihalda sojasósu sem inniheldur hveiti.  Sojabaunir og afurðir úr þeim og hveiti sem inniheldur glúten eru á lista yfir ofnæmis- og óþolsvalda. Samkvæmt matvælalöggjöfinni eiga ofnæmis- og óþolsvaldar að vera skýrt merktir í merkingum matvæla.   Áætluð dreifing innanlands: Matvöruverslanir um allt land.

Tekið skal fram að vörurnar eru skaðlausar fyrir þá sem ekki eru viðkvæmir fyrir soja eða glúteni.

Ítarefni

•     Listi yfir innkallanir á matvælum
•     Fréttatilkynning frá heilbrigðiseftirliti Reykjavíkur