Vanmerktar smjördeigskökur vegna óleyfilegs tungumáls

Matvælastofnun hefur fengið upplýsingar frá heilbrigðiseftirlitinu um innköllun á Estrella de Hojaldre spönskum smjördeigskökum frá Dulcinove Pastelería  sem Costco Ísland flytur inn. Innköllunin er vegna vanmerkingar en einungis var merking á spænsku. Upplýsingar sem skylt er að merkja á matvörur verða að vera á íslensku eða ensku eða norðurlandamáli öðru en finnsku. Fyrirtækið hefur innkallað frá kaupendum  í samráði við heilbrigðiseftirlit Heilbrigðiseftirlit Garðabæjar, Hafnarfjarðar, Kópavogs, Seltjarnarness og Mosfellsbæjar (HEF).

Innköllunin á eingöngu  við um eftirfarandi framleiðslulotu;

• Vörumerki: Dulcinove Pastelería
• Vöruheiti: Puff Pastry Stars
• Framleiðandi: Productos Jesus S.L.
• Innflytjandi: Costco Ísland
• Framleiðsluland: Spánn
• Lotunúmer/best fyrir dagsetningar: Júní 11 2024, lota 011-624
• Geymsluskilyrði: Geymist á þurrum stað við stofuhita.
• Dreifing: Costco Ísland

Kaupendum sem hafa verslað vöruna í Costco er bent á að skila henni í verslunina gegn fullri endurgreiðslu.

Ítarefni

• Fréttatilkynning frá Costco
• Fréttatilkynning frá heilbrigðiseftirlitinu
• Neytendavakt Matvælastofnunar