Tréflís í lasagne
Innkallanir -
07.05.2024
Matvælastofnun varar við neyslu á einni framleiðslulotu af lasagne frá Kjötkompaní vegna þess að aðskotahlutur fannst í vörunni. Fyrirtækið hefur innkallað vöruna í samráði við heilbrigðiseftirlit Garðabæjar, Hafnarfjarðar, Kópavogs, Mosfellsbæjar og Seltjarnarnes.
Innköllunin á eingöngu við um eftirfarandi framleiðslulotu;
- Vörumerki: Kjötkompaní
- Vöruheiti: Lasagne
- Framleiðandi: Kjötkompaní, Dalshrauni 13, 220 Hafnarfirði
- Framleiðsluland: Ísland
- Lotunúmer/best fyrir dagsetning: Best fyrir 18.5.2024
- Geymsluskilyrði: Kælivara 0-4°C.
- Dreifing: Verslanir Krónunnar
Neytendum sem keypt hafa vöruna er bent á að neyta hennar ekki heldur farga eða fara með hana í verslun.