Soja ótilgreint í niðursoðnu svínakjöti

Matvælastofnun varar neytendur með sojaofnæmi við neyslu á einni framleiðslulotu af niðursoðinni svína kjötvöru vegna þess að soja sem varan inniheldur kemur ekki fram í merkingum hennar.  SAM ehf hefur innkallað vöruna í samráði við Heilbrigðiseftirlit Vestfjarða.

Matvælastofnun fékk upplýsingar um vöruna í gegnum RASFF hraðviðvörunarkerfi Evrópu um hættuleg matvæli og fóður.

Innköllunin á einungis við um eftirfarandi framleiðslulotu:

• Vöruheiti: Mielonka wieprzowa sterylizowana w konserwie /// Sterilized canned pork mince
• Vörumerki: Sokolów
• Rekjanleiki: 03.03.2026 416A.E
• Framleiðsluland: Pólland
• Dreifing: SAM ehf., Ísafirði

Ítarefni:

• Listi Matvælastofnunar yfir innkallanir
• Neytendavakt Matvælastofnunar á Facebook