Ólöglegt varnarefni í prótein brauðmjöli
Innkallanir -
18.12.2020
Athugið að þessi frétt er ársgömul eða eldri.
Matvælastofnun varar við Foodspring Protein Bread mjöli. Mjölið inniheldur varnarefnið etýlen oxíð sem er ekki leyfilegt í matvælaframleiðslu í Evrópu. Fyrirtækið RJR ehf. sem flytur inn vöruna, hefur innkallað hana með aðstoð Heilbrigðiseftirlits Hafnarfjarðar, Garðarbæjar og Kópavogs.
Matvælastofnun fékk upplýsingar um vörurnar í gegnum RASFF evrópska viðvörunarkerfið um matvæli og fóður og gerði heilbrigðiseftirlitinu viðvart.
Innköllunin á við um allar framleiðslulotur og best fyrir dagsetningar:
- Vörumerki: Foodspring
- Vöruheiti: Protein Bread
- Strikanúmer: 4260363480963
- Nettó magn: 230g
- Best fyrir: Allar dagsetningar
- Framleiðsluland: Indland
- Dreifingaraðili: RJR ehf.
- Dreifing: Sportvörur Dalvegi, Hagkaup Garðabæ, Hagkaup Kringlunni og Hagkaup Skeifunni.
Þeim sem keypt hafa vöruna er bent á að skila henni í viðkomandi verslun. Nánari upplýsingar á netfanginu stefanlogi hjá sportvorur.is og í síma 544-4140.