Ólöglegt varnarefni í núðlum með kjúklingi

Matvælastofnun varar við neyslu á einni framleiðslulotu af Indo Mie special chicken noodles sem Lagsmaður flytur inn. Varnarefnið etýlen oxíð fannst í vörunni en það er ólöglegt að nota það við matvælaframleiðslu. Fyrirtækið hefur innkallað núðlurnar í samráði við heilbrigðiseftirlit Hafnarfjarðar, Garðarbæjar og Kópavogs.

Innköllunin á einungis við eftirfarandi framleiðslulotu:

• Vörumerki: Indo Mie
• Vöruheiti: Indo Mie special chicken noodles 75g
• Innflytjandi: Lagsmaður ehf. / Fiska.is
• Best fyrir: 29/3/2022
• Framleiðsluland: Indonesia
• Geymsluskilyrði: Á þurrum stað
• Dreifing: Verslun Fiska.is, Nýbýlavegi 6, 200 Kópavogur 

Neytendum sem keypt hafa vöruna er bent á að neyta hennar ekki og skila henni til verslun fiska.is á Nýbýlavegi í Kópavogi.

Ítarefni

• Fréttatilkynning frá Lagsmanni ehf.
• Fréttatilkynning frá heilbrigðiseftirliti Hafnarfjarðar, Garðabæjar og Kópavogs