Óleyfilegt litarefni sem matvæli

Matvælastofnun varar við neyslu á Ultimate Methyl blue frá Earth Harmony sem Mamma veit best ehf. flytur inn og selur í verslun sinni. En litarefnið er ekki leyfilegt sem matvæli og ekki öruggt til neyslu. Fyrirtækið hefur í samráði við Heilbrigðiseftirlit Garðabæjar, Hafnarfjarðar, Kópavogs, Mosfellsbæjar og Seltjarnarness innkallað vöruna.

Innköllun á við allar framleiðslulotur:

• Vörumerki: Earth Harmony
• Vöruheiti: Ultimate Methyl Blue
• Framleiðandi: Earth harmony
• Innflytjandi: Mamma veit best ehf, Dalbrekka 30, 200 Kópavogi
• Framleiðsluland: Bandaríkin
• Lotunúmer/best fyrir dagsetningar: LOT 22E24B/ 05-2026
• Geymsluskilyrði: Geymist á þurrum stað.
• Dreifing: Mamma veit best ehf

Neytendur sem keypt hafa vöruna er bent á að neyta hennar ekki, farga eða skila henni til verslunar til endurgreiðslu.

Ítarefni

• Fréttatilkynnng heilbrigðiseftirlitsins
• Listi Matvælastofnunar yfir innkallanir
• Neytendavakt Matvælastofnunar á Facebook