Aðskotaefni fannst í tedufti
Innkallanir -
26.08.2022
Athugið að þessi frétt er ársgömul eða eldri.
Matvælastofnun varar við neyslu á THS Matcha Green tea powder tedufti vegna aðskotaefna (fjölhringa kolefnissambönd) sem greindust yfir leyfilegum mörkum í vörunni. Fyrirtækið Víetnam market ehf. sem flutti inn vöruna hefur í samráði við heilbrigðiseftirlit Reykjavíkur innkallað vöruna. Heilbrigðiseftirlitið sendi út fréttatilkynningu.
Matvælastofnun fékk upplýsingar um vöruna í gegnum RASFF hraðviðvörunarkerfi Evrópu um hættuleg matvæli og fóður á markaði.
Innköllunin á eingöngu við um eftirfarandi framleiðslulotu:
- Vörumerki: THS
- Vöruheiti: Matcha Green Tea Powser
- Geymsluþol: Best fyrir Dagsetning: 24.11.2024
- Strikamerki: 6922163616734
- Nettómagn: 80 g
- Framleiðandi: Fujan Blue Lake Foods Co LTD
- Framleiðsluland: Kína
- Innflutningsfyrirtækið: Vietnam Market, Suðurlandsbraut 6, 108 Reykjavík
- Dreifing: Verslanir Vietnam Market, Laugavegi 86-94 og Bankastræti 11, 101 Reykjavík
