Auglýst eftir umsækjendum um stuðning til söfnunar ullar

Matvælastofnun auglýsir eftir umsækjendum um stuðning til söfnunar ullar samkvæmt reglugerð um stuðning við sauðfjárrækt (III kafli).

Umsóknareyðublað er afhent hjá búnaðarstofu Matvælastofnunar að Dalshrauni 1b í Hafnarfirði eða með tölvupósti gegn beiðni (mast@mast.is). Umsóknum skal skilað til búnaðarstofu á Dalshrauni, með bréfpósti eða tölvupósti á netfangið mast@mast.is. 

Stuðningur til söfnunar ullar er háður því að umsækjandi uppfylli eftirfarandi skilyrði:

1. Aðili skal vera reiðubúinn að taka við allri vinnsluhæfri ull af öllum framleiðendum sem þess óska. 
2. Aðili þarf að sækja ull heim til bænda eða taka á móti ullinni á móttökustöð sem ekki er lengra frá hverjum einstökum seljanda ullar en 100 km. 
3. Að minnsta kosti 30% allrar ullar sem aðili móttekur skal þvegin hér á landi og jafnframt unnið úr þessari sömu ull band, lopi eða samsvarandi vara hérlendis.

Umsóknarfrestur er til 25. september næstkomandi. Nánari upplýsingar eru veittar í síma 530-4800 / mast@mast.is.