Hveiti ekki tilgreint í pasta

Matvælastofnun varar neytendur með ofnæmi eða óþol fyrir hveiti (glúteni) við neyslu á Nawras Gele Vermicelli pasta. Varan inniheldur ofnæmis- og óþolsvaldinn hveiti (glúten) án þess að það komi fram í innihaldslýsingu. Miðausturlandamarkaðurinn, sem flytur inn vöruna, innkallar hana í samráði við Heilbrigðiseftirlit Reykjavíkur.

Matvælastofnun fékk upplýsingar um vöruna í gegnum RASFF evrópska viðvörunarkerfið um hættuleg matvæli og fóður og gerði heilbrigðiseftirlitinu viðvart.

Allar framleiðslulotur eru innkallaðar:

• Vörumerki: Nawras
• Vöruheiti: Gele Vermicelli
• Strikanúmer: Ekki tilgreint
• Nettómagn: 400 g
• Lotunúmer: Allar lotur
• Framleiðsluland: Tyrkland
• Innflytjandi: Miðausturlandamarkaðurinn ehf., Lóuhólum 2-6, 111 Reykjavík
• Dreifing: Miðausturlandamarkaðurinn ehf.

Viðskiptavinir sem keypt hafa vöruna geta skilað henni í Miðausturlandamarkaðinn þar sem hún var keypt gegn endurgreiðslu. Fyrir frekari upplýsingar, hafið samband við Miðausturlandamarkaðinn, Lóuhólum 2-6.

Ítarefni

• Fréttatilkynning Heilbrigðiseftirlits Reykjavíkur
• Leiðbeiningar Matvælastofnunar um merkingu á ofnæmis- og óþolsvöldum
• Þessum upplýsingum átt þú rétt á - upplýsingaspjald Matvælastofnunar um merkingar matvæla
• Listi Matvælastofnunar yfir innkallanir
• Neytendavakt Matvælastofnunar á Facebook