Ráðlegt að sjóða spírur
Frétt -
27.06.2011
Athugið að þessi frétt er ársgömul eða eldri.
Nýverið kom upp
sýkingar í Evrópu af völdum E. coli O104 sem rakið var til neyslu á
hráum spíruðum fræjum og baunum. Allir sem veiktust tengdust N-
Þýskalands með einhverjum hætti og höfðu borðað hráar spírur.
![]() |
Nú hefur á ný komið upp
hópsýking en að þessu sinni í Frakklandi, sem hægt er að tengja við
neyslu á spírum. Fræin koma frá bresku fyrirtæki en þar hefur enginn
veikst. Grunur beinist að lífrænum fenugreek fræjum (grikkjasmára) frá Egyptalandi. Til að varast sýkingar ráðleggur Matvælastofnun neytendum að skola vel og sjóða spírur í varúðarskyni, hugsa vel um handþvott og forðast krosssmit. Matvælastofnun fylgist vel með fréttum um sýkingar. Ekki hafa greinst sýkingar hér á landi af völdum neyslu á hráum spírum. |
Enginn innflutningur er á spírum hingað til lands frá Þýskalandi eða Frakklandi.
Ítarefni