Ómerktir ofnæmisvaldar í sósu með heitreyktum laxabita

Matvælastofnun varar neytendur með ofnæmi eða óþol fyrir eggjarauðum, sinnepi, hveiti og/eða selleríi við neyslu á „Ópal heitreyktum laxabita m/muldum pipar“ frá Ópal Sjávarfangi. Sósan sem fylgir laxinum inniheldur ofangreinda ofnæmis- og oþolsvalda en innihald sósunnar er ekki tilgreint á umbúðum. Dreifing/sala á vörunni hefur verið stöðvuð og stendur endurmerking yfir. 

Nánar um vöruna: 

• Vöruheiti: Ópal heitreyktur laxabiti m/muldum pipar
• Framleiðandi: Ópal Sjávarfang
• Lotunúmer: 013019
• Dreifing: Verslanir Nettó um allt land, verslanir Hagkaupa á höfuðborgarsvæðinu, 10-11 í Austurstræti, Iceland í Engihjalla og Krambúðin, Firði 

Neytendur með ofnæmi eða óþol fyrir eggjarauðum, sinnepi, hveiti og/eða selleríi geta skilað vörunni til Ópals Sjávarfangs gegn endurgjaldi. Nánari upplýsingar veitir Linda í síma 517-6630 / 864-8295.

Varan er skaðlaus þeim sem ekki eru með ofnæmi eða óþol fyrir ofangreindum ofnæmisvöldum.

Ítarefni

• Mynd af vöru í hærri upplausn
• Leiðbeiningar Matvælastofnunar um merkingu á ofnæmis- og óþolsvöldum
• Þessum upplýsingum átt þú rétt á - upplýsingaspjald Matvælastofnunar um merkingar matvæla
• Listi Matvælastofnunar yfir innkallanir