Ómerkt sesamfræ í tveimur tegundum af Nicolas Vahé hummus

Matvælastofnun varar neytendur með ofnæmi eða óþol fyrir sesamfræjum við neyslu á þremur lotum af Nicolas Vahé hummus. Um tvær tegundir af hummus er að ræða sem innihalda sesamfræ án þess að það komi fram í innihaldslýsingu. Esjufell ehf. sem flytur inn vöruna hefur innkallað loturnar í samráði við Heilbrigðiseftirlit Reykjavíkur.

Innköllunin á eingöngu við um eftirfarandi lotur:

• Vörumerki: Nicolas Vahé
• Vöruheiti: Hummus, Carrots & Dill og Hummus, Beetroot & Pistachios
• Strikanúmer: 5707644511330
• Best fyrir: 6.3.2019, 15.5.2019, 18.5.2019
• Strikamerki: 5707644511330 og 5707644514881
• Framleiðsluland: Danmörk
• Dreifing: Fakó, Salt, Garðheimar, Hjá Jóa Fel, Mosfellsbakarí og Fiskkompaní Akureyri

Viðskiptavinum sem hafa keypt vöruna og eru viðkvæmir fyrir sesamfræjum er bent á að neyta hennar ekki og farga eða skila henni í þeirri verslun þar sem hún var keypt.

Ítarefni

• Fréttatilkynning Esjufells ehf.
• Fréttatilkynning Heilbrigðiseftirlits Reykjavíkur
• Leiðbeiningar Matvælastofnunar um merkingu á ofnæmis- og óþolsvöldum
• Þessum upplýsingum átt þú rétt á - upplýsingaspjald Matvælastofnunar um merkingar matvæla
• Listi Matvælastofnunar yfir innkallanir