Ábending um sápubragð af barnamat
Innkallanir -
11.01.2019
Athugið að þessi frétt er ársgömul eða eldri.
Matvælastofnun vekur athygli neytenda á innköllun á einni framleiðslulotu af barnamatnum The Yellow One frá Ella's Kitchen vegna ábendingar um sápubragð. Ábending barst frá neytanda í gegnum ábendingakerfi Matvælastofnunar. Innflytjandinn, Nathan & Olsen, hefur innkallað vöruna í varúðarskyni í samráði við Heilbrigðiseftirlit Reykjavíkur.
Innköllunin á einungis við um eftirfarandi framleiðslulotu:
- Vöruheiti: Ella´s Kitchen - The Yellow One
- Framleiðandi: Ella´s Kitchen
- Best fyrir dagsetning: 02/2019
- Lotunúmer: 1903023312
- Strikamerki 5060107330030
- Framleiðsluland: Bretland
- Innflytjandi: Nathan og Olsen
- Dreifing: flestar verslanir um allt land
Neytendur sem kunna að hafa vöruna undir höndum eru beðnir um að skila henni til Nathan & Olsen hf., Klettagörðum 19, 104 Reykjavík.