Dýravelferðarmál kært til lögreglu

Í marsbyrjun fundust fimm dauðir kettlingar í lækjarfarvegi í þorpi á Austurlandi. Virðist þeim hafa verið drekkt.

Samkvæmt lögum nr. 55/2013 um velferð dýra er bannað að aflífa dýr með því að drekkja þeim. Eina undantekningin snýr að minkum en þá má aflífa á þennan hátt að uppfylltum ákveðnum skilyrðum.

Rétt er einnig að benda á að samkvæmt reglugerð um velferð gæludýra er dýralæknum einum heimilt að aflífa gæludýr nema í neyðartilvikum.

Matvælastofnun hefur óskað eftir opinberri rannsókn lögreglu á þessu kettlingadrápi.