Fjárfestingastuðningur í svínarækt
Frétt -
14.03.2017
Athugið að þessi frétt er ársgömul eða eldri.
Matvælastofnun auglýsir eftir umsækjendum vegna fjárfestingastuðnings í svínarækt í samræmi við ákvæði VII. kafla reglugerðar um almennan stuðning við landbúnað nr. 1240/2016. Fjárfestingastuðningur er veittur þeim framleiðendum sem hyggjast fara í framkvæmdir til að hraða því að standast kröfur samkvæmt reglugerð um velferð svína nr. 1276/2014, með síðari breytingum.
Stuðningur er veittur vegna nýbygginga eða viðbygginga, endurbóta á eldri byggingum þar sem skipt er út meira en 50% af innréttingum og kaupa á innréttingum og búnaði.
Umsóknum ásamt viðeigandi fylgiskjölum skal skila inn rafrænt í þjónustugátt Matvælastofnunar eigi síðar en 31. mars nk. vegna framkvæmda á árinu.