Fagsviðsstjóri kjötmats óskast
Matvælastofnun óskar eftir öflugum einstaklingi í starf fagsviðsstjóra kjötmats innan sviðs Samhæfingar. Aðsetur stöðunnar er utan höfuðborgarsvæðisins og um er að ræða 100% starf. Til viðbótar þarf að sinna sértækum verkefnum sem stofnunin felur einstaklingi. Æskilegt er að umsækjandi geti hafið störf sem fyrst. Starfið krefst töluverðra ferðalaga á álagstímum.
Matvælastofnun er nútímaleg og framsækin þjónustustofnun sem gætir hagsmuna neytenda og málleysingja. Megináhersla er lögð á starfsánægju og samskipti ásamt því að vera öflugt og lifandi þekkingarsamfélag.
Við stöndum vörð um heilsu manna, dýra og plantna og aukum þannig velferð og verðmætasköpun í þágu þjóðarinnar. Gildi Matvælastofnunar eru FAGMENNSKA, GAGNSÆI OG TRAUST.
Helstu verkefni og ábyrgð
- Yfirkjötmat Matvælastofnunar nær til kinda-, stórgripa- og svínakjöts og er fjórþætt:
- Mótun reglna um kjötmat, hafa forystu um mótun á reglum um gæðamat og flokkun á kjöti og fylgjast með nýjungum.
- Skipun kjötmatsmanna og fræðsla, skipuleggja námskeið fyrir kjötmatsmenn sláturhúsa;
- Meta hæfni þeirra.
- Leiðbeina þeim og samræma störf þeirra með reglubundnum hætti.
- Yfirmat
- Skera úr ágreiningi um kjötmat og störf kjötmatsmanna.
- Söfnun upplýsinga
- Sjá til þess að safnað sé upplýsingum um gæðamat á kjöti og að þær séu til reiðu á aðgengilegu formi.
Menntunar- og hæfniskröfur
- Menntun sem nýtist í starfi s.s. búvísinda- eða búfræðimenntun
- Reynsla sem nýtist í starfi
- Haldbær þekking á búfjárframleiðslu er kostur
- Sjálfstæði í starfi
- Samstarfshæfni og lipurð í mannlegum samskiptum
- Jákvætt og lausnamiðað hugarfar
- Góð tölvukunnátta
- Góð íslenskukunnátta og færni í ræðu og riti er skilyrði
- Bílpróf
Nánari upplýsingar um starfið veitir Freydís Dana Sigurðardóttir sérgreinadýralæknir, á netfanginu freydis.sigurdardottir@mast.is eða í síma 530 4800. Sótt er um starfið á Starfatorgi.
Umsókn skal fylgja starfsferilskrá, kynningarbréf og afrit af prófskírteini. Umsóknarfrestur er til og með 24. maí 2024. Öllum umsóknum verður svarað þegar ráðning liggur fyrir. Vakin er athygli á því að umsóknir gilda í sex mánuði nema umsækjandi ákveði annað. Launakjör eru samkvæmt gildandi kjarasamningi fjármálaráðherra og viðkomandi stéttarfélags.