• Email
  • Prenta

Brauðbarir

Í matvöruverslunum hefur brauðmeti ýmiskonar verið boðið til sölu óinnpakkað í sjálfsafgreiðslu. Brauðmeti flokkast sem „matvæli tilbúin til neyslu“  þ.e. matvæli sem fá enga meðhöndlun fyrir neyslu s.s. hitun eða skolun. Því er mikilvægt að meðhöndla þessi matvæli með það í huga og verja fyrir mengun eða hindra að þau spillist á einhvern hátt.

Matvælastofnun skal vinna að samræmingu krafna sem gerðar eru til starfsemi á sviði matvælaeftirlits og að slíkum kröfum sé framfylgt. Matvælastofnun hefur gefið út leiðbeiningar þar sem settar eru fram viðmiðunarreglur stofnunarinnar um sölu á óvörðu brauðmeti í sjálfsafgreiðslu svo tryggt sé að þær séu þær sömu um land allt. Leiðbeiningarnar eru ætlaðar bæði verslunum með brauðbari og heilbrigðiseftirliti sveitarfélaga sem hefur eftirlit með þeim. 

Ítarefni