• Email
  • Prenta

Eftirlit ESA

Eftirlitsheimsóknir Eftirlitsstofnunar EFTA (ESA)

Eftirlitsstofnun EFTA ber skylda til þess samkvæmt EES samningi að hafa eftirlit með því að aðildarríki hans (þ.e EFTA ríkin) innleiði löggjöf samningsins og uppfylli þær kröfur sem hún gerir. Þessu hlutverki sinnir ESA með úttektarheimsóknum til ríkjanna þar sem eftirlit opinberra aðila er tekið út á sviði matvæla- og fóðuröryggis, dýraheilbrigðis og dýravelferðar.

Á síðustu árum hefur stofnunin komið í að jafnaði 3-4 heimsóknir á ári til Íslands og eru fjórar heimsóknir á áætlun 2020. Á fyrri hluta ársins eru 2 heimsóknir fyrirhugaðar, sú fyrri er úttekt á eftirliti með matvælum tilbúnum til neyslu og hin er almenn úttekt á stöðu innleiðingavegna úrbótaáætlana samhliða uppfærslu á landsskýrslu. Á síðari hluta ársins eru einnig fyrirhugaðar 2 úttektir, annarsvegar eftirfylgni úttekt með opinberu eftirliti með lifandi samlokum og hins vegar opinberu eftirliti með lyfjum og aðskotaefnum í dýrum og dýraafurðum.

  • Matvæli tilbúin til neyslu             2-11. mars (8 dagar)                        
  • Innleiðing og uppfærsla             11-15. maí  (5 dagar)
  • Lifandi samlokur (eftirfylgni)    14-18. september (5 dagar)
  • Lyf og aðskotaefni                       5-14. október (8 dagar)

Undirbúningur heimsókna er í höndum samhæfingarsviðs MAST sem veitir nánari upplýsingar ef óskað er.

Ítarefni