• Email
  • Prenta

Útflutningur matvæla

Ferðamenn með kjöt og aðrar dýraafurðir í farangri til EES / USA

Mikilvægt er að ferðamenn kynni sér vel reglur um flutning matvæla (dýraafurða) til einkaneyslu á milli landa áður en haldið er í ferðalag en óleyfilegar matvörur eru teknar af ferðamönnum við tollskoðun. Slíkar takmarkanir á innflutningi dýraafurða eru vegna sjúkdómavarna.

Ferðamenn til landa innan EES

Ferðamönnum er heimilt að taka með í farangri dýraafurðir til einkaneyslu (allt að 10 kg af kjöti) til annarra landa innan EES (Evrópska efnahagssvæðisins) svo fremi sem þær eru í neytendapakkningum og merktar með auðkennismerki. Auk þess er ferðamönnum heimilt að hafa meðferðis lítið magn af mjólkurvörum til einkaneyslu.

Ferðamenn með matvæli til einkaneyslu til Evrópusambandsins

Ferðamenn til Bandaríkjanna

Ferðamönnum er heimilt að taka með sér til Bandaríkjanna allt að 22,6 kg (50 pund) af lambakjöti til einkaneyslu. Athuið að kjötið þarf að vera í neytendapakkningum og merkt með auðkennismerki. Einnig er heimilt að hafa meðferðis lítið magn af fiski, rækjum, skelfiski og öðrum sjávarafurðum (ýmist hráum, frystum, þurrkuðum, reyktum, soðnum eða niðursoðnum). Slíkar vörur skulu vera eingöngu til einkaneyslu og ekki til frekari sölu eða dreifingar í Bandaríkjunum. Allir ferðamenn sem koma til Bandaríkjanna verða að gera skil gagnvart tolli á öllum matvælum sem þeir hafa í farangri sínum. Sé það ekki gert getur það varðað háum fjársektum.

Neytendapakkningar og auðkennismerki

Fyrirtæki sem framleiða matvæli úr dýraafurðum skulu merkja vörur sínar með auðkennismerki sem inniheldur samþykkisnúmer framleiðanda. Það tryggir rekjanleika og staðfestir að leyfishafi uppfyllir kröfur Íslands og Evrópusambandsins. Auðkennismerkið er egglaga og þar koma fram orðin EFTA, IS (eða Ísland) og númer framleiðandans.

Ferðamenn til annarra ríkja

Ferðamenn skulu kynna sér reglur viðkomandi yfirvalda um innflutning matvæla til einkaneyslu.