• Email
  • Prenta

Innflutningur á matvælum sem ekki eru úr dýraríkinu

Innflutningseftirlit hefur verið aukið á vissum tegundum af matvælum og fóðri sem eru ekki úr dýraríkinu og koma frá löndum utan evrópska efnahagssvæðinu. Um er að ræða m.a. te, pálmolía, basmati hrísgrjón, ýmsar tegundir af grænmeti og ávöxtum, hnetum fræjum og kryddi. Þetta eru matvæli sem þarf að skoða sérstaklega og þarf að rannsaka og samþykkja áður en innflutningur er leyfður. Innflytjendur þurfa að tilkynna vörur sem eru nefndar í viðauka 1. við reglugerð nr. 835/2010 með minnst sólarhringsfyrirvara á sérstöku eyðublaði sem kallast samræmt innflutningsskjal, CED (Common Entry Document):

  • Tilkynning - Innflutningur á eftirlitsskyldum matvælum (Samræmt innflutningsskjal, CED)

Í innflutningseftirliti er alltaf gerð skjalaskoðun en í 10-50% tilvika er varan skoðuð og tekin sýni til rannsóknar.

Reglugerð nr. 835/2010 er byggð á Evrópureglugerð nr. 669/2009 sem styðst við reglugerð 882/2004/ESB um aukið eftirlit á matvælum og fóðri. Heimild fyrir reglugerðinni er að finna í 31 gr. laga nr. 93/1995 um matvæli og 7 gr. laga nr. 22/1994 um eftirlit með fóðri, áburði og sáðvöru.

Reglugerðin er nú endurskoðuð 2 sinnum á ári. Ný reglugerð  gildir frá 6. júlí 2018.

Nýjar breytingar

Inn á listann: 

  • Úlfaber (Goja ber) frá Kína vegna varnarefnaleifa
  • Næpur (Turnips) frá Líbanon og Sýrlandi vegna Rhodamine B (ólöglegt litarefni)

Af listanum vegna færra tilfella.

  • Kál (brassica oleracea) frá Kína
  • Jarðarber frá Egyptalandi
  • Rúsínur (þurrkuð vínber) frá Íran
  • Belgabaunir frá Kenía
  • Strengjabaunir frá Tælandi
  • Eggaldin (Solanum melongena)) frá Úganda
  • Beiskjutómatur (solanum aethiopicum)
  •  

Aðrar breytingar

  • Ananas frá Benín minnkar tíðni skoðunar frá 20% í 10% vegna betri niðurstaða síðasta árs
  • Sítrónur frá Tyrklandi minnkar tíðni skoðunar frá 20% í 10% vegna betri niðurstaða síðasta árs
  • Granaepli minnkar tíðni skoðunar frá 20% í 10% vegna betri niðurstaða síðasta árs
  • Okra frá Víetnam bæði ferskt og frosið
  • Te frá Kína nýtt varnarefnaleifar tolfenpyrad eru rannsakað  (í stað tríflúralín sem fellur burt af listanum)
  • Okra frá Indlandi sett í viðauka 1. reglugerðarinnar úr reglugerð nr. 848/2014 vegna betri niðurstaða
  • Apríkósur frá Tyrklandi eða Úsbekistan má nú taka sýni vegna súlfíts á ákvörðunarstað ef skilyrði til þess séu viðunandi.

Reglugerðin er endurskoðuð mt.t.t. viðauka I tvisvar sinnum á ári.


Auglýsingar byggðar á EB reglugerðum 

Ný reglugerð nr. 808/2014 tók gildi 9. september 2014 og m. br. frá 1. des 2016 eru sett sérstök skilyrði fyrir innflutningi á tilteknu fóðri og matvælum frá tilteknum þriðju löndum vegna mengunaráhættu af völdum aflatoxína (EB gerð 884/2014). Innflytjendur eða dreifingaraðilar sem flytja inn eða dreifa vörum sem reglugerðin tekur til, skulu senda Matvælastofnun tilkynningu og gögn um fyrirhugaðan innflutning. Öllum sendingum neðangreinda matvæla þarf að fylgja heilbrigðisvottorð. Nýjustu breytingar eru að matvæli frá Argentínu, Azerbajdsjan og Eþíópíu hafa bæst við á listann.

Aflatoxín:

  • Jarðhnetur og afurðir frá þeim frá Argentínu, Egyptalandi, Indlandi og Kína 
  • Heslihnetur og afurðir af þeim frá Azerbajdsjan
  • Heslihnetur og fíkjur og afurðir frá þeim frá Tyrklandi 
  • Pistasíur frá Íran og Tyrklandi 
  • Parahnetur (brasilíuhnetur) frá Brasilíu 
  • Chilipipar, engifer, saffran, timjan, lárviðarlauf , karrí og kryddblöndur frá Eþíópíu
  • Chilipipar og múskat frá Indlandi

Með reglugerð 915/2017 bætast við: 

  • Betellauf og sesamfræ frá Indlandi vegna mengunar af völdum salmonellu.

Nýtt

1. breytingarreglugerð nr. 800/2017 um að reglugerð nr. 193/2016 sé lögð niður vegna fjölda sýna sem tekin eru í ESB og eru yfir mörkum af tilteknu sveppaeitri. Og er því ekki lengur samþykkt forrannsóknagögn með útflutningi á jarðhnetur og afurðum af þeim frá Norður Ameríku.

Okratoxín:

  • Hveiti frá Kanada 

Aflatoxín:

  • Jarðhnetur frá Bandaríkjunum og afurðir úr þeim 
  • Möndlur frá Bandaríkjunum. 

Reglugerð nr. 416/2016

Reglugerð nr. 416/2016 innleiðir Evrópureglugerð nr. 2016/24 varðandi innflutning frá tilteknum þriðju löndum. Innflytjendur eða dreifingaraðilar sem flytja inn eða dreifa vörum sem reglugerðin tekur til, skulu senda Matvælastofnun tilkynningu og gögn um fyrirhugaðan innflutning. Öllum sendingum neðangreinda matvæla þarf að fylgja heilbrigðisvottorð og rannsóknarvottorð. Ekki þarf að tilkynna persónulegar sendingar sem eru minni en 20 kg.

Aflatoxín:

  • Jarðhnetur og afurðir úr þeim frá Brasílíu
  • Múskat frá Indlandi og Indónesíu
  • Sterkur piparávöxtur frá Indlandi

Heilbrigðiseftirlit sveitarfélaga 

Eftirlit með öllu dreifingarferli matvæla eftir tollafgreiðslu er í höndum Heilbrigðiseftirlits sveitarfélaga.

Kostnaður vegna innflutnings

Gjald fyrir innflutningseftirlit er skilgreint í 9. gr. gjaldskrár nr. 220/2018 fyrir eftirlit og aðra gjaldskylda starfsemi Matvælastofnunar. Eftirlitsgjald greiðist skv. tímagjaldi en einnig skal greiða akstursgjald og gjald vegna greininga á rannsóknarstofu þegar það á við.

Ítarefni

  • Eyðublað - Tilkynning um innflutning á eftirlitsskyldum matvælum
  • Komustaðir (DPE) - í athugun
  • Tollskrá 
  • TARIC - The Integrated Tariff of the Community
  • Hvað er sveppaeitur (mycotoxin)?
Nýjasta reglugerðin