Eftirlitsdýralæknar í Suðurumdæmi

Aðalskrifstofa Matvælastofnunar
03.10.2019 Fréttir - Lausar stöður

Matvælastofnun óskar eftir því að ráða eftirlitsdýralækna til starfa í Suðurumdæmi með aðsetur á Selfossi. Um tvær 100% stöður er að ræða og æskilegt að umsækjendur geti hafið störf sem fyrst.

Helstu verkefni og ábyrgð

Eftirlitsdýralæknir sinnir fyrst og fremst eftirliti skv. gildandi lögum og reglugerðum á sviði matvæla og dýravelferðar, heilbrigðiseftirliti í sláturhúsum, samskiptum við opinberar stofnanir ásamt umsjón með tilteknum málaflokkum á verksviði umdæmisskrifstofunnar.

Menntunar- og hæfniskröfur

  • Dýralæknismenntun 
  • Æskilegt er að umsækjandi hafi starfað við opinbert eftirlit
  • Þekking og reynsla af opinberri stjórnsýslu er kostur
  • Nákvæmni, frumkvæði og sjálfstæði í starfi
  • Samstarfshæfni og lipurð í mannlegum samskiptum
  • Hæfni til tjáningar í ræðu og riti á íslensku
  • Hæfni til tjáningar í ræðu og riti á ensku
  • Góð almenn tölvukunnátta

Nánari upplýsingar um störfin veitir Gunnar Þorkelsson, héraðsdýralæknir, á netfanginu gunnar.thorkelsson hjá mast.is eða Kristín Hreinsdóttir, mannauðsstjóri á netfanginu kristin.hreinsdottir hjá mast.is eða í síma 530 4800. Sótt er um störfin í þjónustugátt Matvælastofnunar undir „Eftirlitsdýralæknir í Suðurumdæmi“.

Umsókn þarf að fylgja starfsferilsskrá og afrit af prófskírteini. Umsóknarfrestur er til og með 21. október nk. Öllum umsóknum verður svarað þegar ráðning liggur fyrir. Vakin er athygli á því að umsóknir gilda í 6 mánuði nema umsækjandi ákveði annað. Launakjör eru samkvæmt gildandi kjarasamningi fjármálaráðherra og Dýralæknafélags Íslands.

Til baka