Ómerkt sellerí í Asian Wok Mix frá COOP

Neytendavernd
09.04.2019 Fréttir - Innkallanir

Matvælastofnun varar neytendur með ofnæmi eða óþol fyrir sellerí við neyslu á Asian Wok Mix frá COOP. Ein lota af vörunni inniheldur sellerí án þess að það komi fram í innihaldslýsingu. Samkaup hf. sem flytur inn vöruna hefur innkallað lotuna í samráði við Heilbrigðiseftirlit Suðurnesja.

Matvælastofnun fékk upplýsingar um vöruna í gegnum RASFF hraðviðvörunarkerfi Evrópu um matvæli og fóður.

Innköllunin á eingöngu við um eftirfarandi lotu:

  • Vörumerki: Coop
  • Vöruheiti: Asian Wok Mix
  • Strikanúmer: 7340011428725
  • Best fyrir: 13.06.2020
  • Framleiðsluland: Belgía
  • Dreifing: Allar verslanir Nettó, Kjörbúðarinnar, Krambúðarinnar og Samkaup Strax

Viðskiptavinum sem hafa keypt vöruna og eru viðkvæmir fyrir sellerí er bent á að neyta hennar ekki og farga eða skila henni í þeirri verslun þar sem hún var keypt.

Ítarefni

Til baka