Hestar teknir af eiganda í annað sinn

Hestar að vetrarlagi
09.11.2018 Fréttir - Dýraheilbrigði

Matvælastofnun tók tvær hryssur og folöld þeirra úr vörslu hestaeiganda á Suðurlandi í vikunni. Þetta er í annað skipti á hálfu ári sem sami eigandi er sviptur sömu hrossum. Ástæða vörslusviptingarinnar er ófullnægjandi aðbúnaður hrossanna.

Um folöld og mjólkandi hryssur er að ræða sem haldin voru í beitarlausu gerði þar sem ekki var tryggur aðgangur að vatni. Einnig var slysahætta í gerðinu.

Um endurtekið brot er að ræða og skoðar Matvælastofnun nú frekari aðgerðir gagnvart umráðamanni hrossanna.

Ítarefni

Til baka