Málmþráður fannst í hummus

Neytendavernd
02.02.2018 Fréttir - Innkallanir

Matvælastofnun varar við neyslu á Vegan Hummus frá Í einum grænum með Best fyrir dagsetningu 04.03.2018 vegna hættu á að málmþráður finnist í vörunni. Málmþráður hefur fundist í einni dós. Stofnunin hefur fengið upplýsingar frá Heilbrigðiseftirliti Reykjavíkur um að fyrirtækið hafi innkallað vöruna af markaði.

Eftirfarandi upplýsingar auðkenna vöruna sem innköllunin einskorðast við:

  • Vöruheiti: Hummus
  • Vörunúmer: 6700 / 6710
  • Strikanúmer: 5690821067006 / 5690821067105
  • Nettómagn: 250 g
  • Best fyrir: 04.03.2018
  • Framleiðandi: Í einum grænum ehf.
  • Dreifing: Verslanir um land allt

Hummus

Þeir einstaklingar sem hafa keypt Hummus með framangreindum merkingum, geta skilað því til höfuðstöðva fyrirtækisins að Brúarvogi 2, 104 Reykjavík eða í næstu verslun og fengið nýja vöru í staðinn. Allar nánari upplýsingar fást hjá Í einum grænum alla virka daga frá 9 - 16 í síma 565-3940.

Ítarefni

Til baka