Innlausn á greiðslumarki mjólkur – síðasti skiladagur 4. okt 2017

Kú í nærmynd
13.09.2017 Fréttir - Búnaðarmál

Skilafrestur umsókna um innlausn og kaup á greiðslumarki er 4. október  2017. Skilyrði fyrir kaupum er greiðsla berist í síðasta lagi 20. október 2017. Umsóknum um kaup og sölu þarf að skila á þjónustugátt Matvælastofnunar. Umsókn um sölu (innlausn) á greiðslumarki er nr. 7.14 og umsókn um kaup á greiðslumarki er nr. 7.18 inn á þjónustugáttinni. Innlausnarverð á lítra á innleystu greiðslumarki er 138 krónur á lítra. Matvælastofnun greiðir fyrir innleyst greiðslumark eigi síðar en 15. nóvember 2017.  Aðeins er hægt að selja ónotað greiðslumark.  Greiðslumark sem hefur verið framleitt upp í á tímabilinu janúar – ágúst 2017 er ekki hægt að innleysa.

Ársgreiðsla fyrir greiðslumark er í dag 13,62 krónur á lítra. Aðrar stuðningsgreiðslur í nautgriparækt eru ekki tengdar greiðslumarki. Greiðslumark fellur niður eftir fjögur ár skv. núverandi búvörusamningi, nema annað verði ákveðið við endurskoðun samnings. Greiðslumarkið gildir þó sem viðmið fyrir greiðslur á greiðslumark, en þær fara lækkandi á næstu árum og falla niður árið 2026. Innlausn fer fram í samræmi við reglugerð nr. 1150/2016 um stuðning við nautgriparækt.

Vakin er athygli á því að þetta er síðasti innlausnardagur ársins.  Greiðslumark framleiðanda með enga framleiðslu árið 2017 verður innleyst  á fyrsta innlausnardegi ársins 2018 án þess að bætur komi fyrir.

Til baka