Kynning á niðurstöðum heilbrigðisskoðana hrossa

Grár hestur
29.11.2012 Fréttir - Dýraheilbrigði

Landssamband hestamannafélaga hélt þann 9. nóvember sl. kynningarfund um niðurstöður heilbrigðsskoðana samkvæmt fyrirkomulaginu „Klár í keppni“  á sýningar- og keppnishrossum á árinu 2012.  Þar kynnti dýralæknir hrossasjúkdóma hjá Matvælastofnun þá niðurstöðu að allar líkur eru á að stangir með  tunguboga séu aðalskaðvaldur alvarlegra áverka á tannlausa bilinu í neðri góm hrossa.
Yfirdýralæknir sat þennan fund og telur að kynning dýralæknis hrossasjúkdóma  hafi í alla staði verið fagleg og öfgalaus og að niðurstöður um háa tíðni áverka í munni hesta sé vissulega áhyggjuefni.

Nú hefur Velferðarnefnd Landssambands hestamannafélaga, sem meðal annars var skipuð til að fjalla um heilbrigði keppnishrossa, lagt til að stangir með tunguboga verði bannaðar í tvö ár og þá metið aftur hvort áverkar á tannlausabilinu hafi minnkað.  Matvælastofnun  hvetur  alla sem koma að hestamennskunni til að leggja sitt að mörkum til að draga úr þessum vanda.

Ítarefni

Til baka