Sýni af sjó voru tekin í Hvalfirði í lok síðustu viku til greiningar á eitruðum þörungum.  Í ljós kom að Dynophysis þörungar sem geta valdið DSP eitrun voru yfir viðmiðunarmörkum. Matvælastofnun varar því við neyslu á krækling sem safnað er í Hvalfirði. 

Einnig er varað við neyslu á krækling úr Eyjafirði.  Alexandrium þörungar sem valda PSP eitrun voru yfir viðmiðunarmörkum í sjósýni sem tekið var 3. júní s.l. við Hrísey.   PSP eitur í krækling  var einnig yfir viðmiðunarmörkum og því er varasamt að neyta kræklings frá svæðinu.

Óhætt er hins vegar að neyta kræklings úr Breiðafirði þar sem greiningar á sjósýnum og krækling sem tekin voru við Kiðey í Breiðafirði sýna að engin hætta er á þörungaeitri í krækling þaðan.

Ítarefni

•     Niðurstöður eftirlits með eiturþörungum og þörungaeitri
•     Heilnæmi kræklings - frétt Matvælastofnunar frá 31.05.12
•     Upplýsingasíða Matvælastofnunar um þörungaeitur í skelfiski
•     Upplýsingasíða Matvælastofnunar um eiturþörunga í sjó