Matvælastofnun óskar eftir að ráða lögfræðing á stjórnsýslusvið stofnunarinnar. Um er að ræða fullt starf á aðalskrifstofu Matvælastofnunar á Selfossi.

Helstu verkefni:

• Úrlausn lögfræðilegra viðfangsefna stofnunarinnar, s.s. afgreiðsla stjórnsýsluerinda, umsagna og álitsgerða
• Ráðgjöf um lögfræðileg atriði á sviði stjórnsýsluréttar og annarra réttarsviða sem tengjast starfsemi stofnunarinnar
• Framkvæmd og innleiðing löggjafar vegna EES-samningsins
• Vinna við framkvæmd og innleiðingu löggjafar á sviði stofnunarinnar
• Þátttaka í nefndum og samskipti við innlendar og erlendar stofnanir
• Leyfisveitingar

Menntunar- og hæfniskröfur:

• Kandídatspróf eða meistarapróf í lögfræði

• Þekking á EES-samningnum og framkvæmd hans æskileg
• Þekking og starfsreynsla í opinberri stjórnsýslu æskileg
• Frumkvæði og sjálfstæði í starfi
• Samstarfshæfni og lipurð í mannlegum samskiptum
• Góð tölvu- og tungumálakunnátta

Nánari upplýsingar um starfið veita Viktor S. Pálsson og Hafsteinn Jóh. Hannesson og í síma 530-4800. Umsóknum ásamt ferilskrá og öðrum nauðsynlegum upplýsingum skal skilað til Matvælastofnunar, Austurvegi 64, 800 Selfoss, merktum “lögfræðingur” eða með tölvupósti á mast@mast.is en umsóknarfrestur er til og með 18. mars 2009. Öllum umsóknum verður svarað. Launakjör eru samkvæmt kjarasamningi opinberra starfsmanna.