• Email
  • Prenta

Innflutningur á matvælum sem ekki eru úr dýraríkinu

Innflutningseftirlit hefur verið aukið á vissum tegundum af matvælum og fóðri sem eru ekki úr dýraríkinu og koma frá löndum utan evrópska efnahagssvæðinu. Um er að ræða m.a. te frá Kína, jarðhnetur og hnetusmjör frá Bandaríkjunum. Ýmsar tegundir af grænmeti,  ávöxtum, hnetum,fræjum og kryddi. Þetta eru matvæli sem þarf að skoða sérstaklega og þarf að rannsaka og samþykkja áður en innflutningur er leyfður. Innflytjendur þurfa að tilkynna vörur sem eru nefndar í viðauka 1. við reglugerð nr. 835/2010 með minnst sólarhringsfyrirvara á sérstöku eyðublaði sem kallast samræmt innflutningsskjal, CED (Common Entry Document) sem er fyllt út rafrænt í TRACES (Trade control and expert system).
Í innflutningseftirliti er alltaf gerð skjalaskoðun en í 10-50% tilvika er varan skoðuð og tekin sýni til rannsóknar.

Reglugerð nr. 835/2010 er byggð á Evrópureglugerð nr. 669/2009 sem styðst við reglugerð 882/2004/ESB um aukið eftirlit á matvælum og fóðri. Heimild fyrir reglugerðinni er að finna í 31 gr. laga nr. 93/1995 um matvæli og 7 gr. laga nr. 22/1994 um eftirlit með fóðri, áburði og sáðvöru.
Reglugerðin er nú endurskoðuð 2 sinnum á ári. 
Ný reglugerð
Tók gildi  22. júlí 2019.

Nýjar breytingar

Aukin sýnatökutíðni vegna fjölgunar tilfella 

  • Næpur (Brassica rapa) (unnin eða rotvarin með ediki eða ediksýu) frá Sýrlandi eða Líbanon. 50% sýnataka vegna
    Rhodamin B
  • Saðningaraldin (Jackfruit) frá Malasíu vegna varnarefna. 20% sendinga fara í sýnatöku.
  • Apríkósukjarnar frá Tyrklandi vegna cynanið („blásýru“).
  • Jarðhnetur og afurðir af þeim frá Bandaríkjunum vegna aflatoxíns.

Aðrar breytingar á sýnatöku

  • Te frá Kína vegna  varnarefnaleifa er aukin tíðni á sýnatöku frá 10% upp í 20% sendinga
  • Gojiber frá Kína vegna varnarefnaleifa (og nikótín bætt við) er aukin tíðni á sýnatöku frá 10% upp í 20% sendinga
  • Spergilbaunir frá Dóminíska lýðveldinu vegna varnarefnaleifa er aukin tíðni á sýnatöku frá 20% upp í 50% sendinga
  • Paprika (sætar og aðrar) frá Dóminíska lýðveldinu vegna varnarefnaleifa er aukin tíðni á sýnatöku frá 20% upp í 50% sendinga
  • Apríkósur frá Tyrklandi vegna súlfíts er lækkuð tíðni á sýnatöku frá 20% niður í 10%  sendinga vegna bættrar niðurstaða.
  • Vatnsmelónufræ og afurðir af þeim frá Sierra Leone vegna aflatoxíns hefur verið gerð breyting á tollflokkanúmeri.

Auglýsingar byggðar á EB reglugerðum 

Ný reglugerð nr. 808/2014 tók gildi 9. september 2014 og m. br. frá 1. des 2016 eru sett sérstök skilyrði fyrir innflutningi á tilteknu fóðri og matvælum frá tilteknum þriðju löndum vegna mengunaráhættu af völdum aflatoxína (EB gerð 884/2014). Innflytjendur eða dreifingaraðilar sem flytja inn eða dreifa vörum sem reglugerðin tekur til, skulu senda Matvælastofnun tilkynningu og gögn um fyrirhugaðan innflutning. Öllum sendingum neðangreinda matvæla þarf að fylgja heilbrigðisvottorð. Nýjustu breytingar eru að matvæli frá Argentínu, Azerbajdsjan og Eþíópíu hafa bæst við á listann. Og nýjustu breytingar eru í reglugerð nr. 2019/890(EB) að jarðhnetur og afurðir af þeim frá Súdan og Gambíu eru komar á listann og þarf að fylgja með heilbrigðisvottorð með hverri sendingu.

Aflatoxín:

  • Jarðhnetur og afurðir frá þeim frá Argentínu, Egyptalandi, Indlandi og Kína 
  • Heslihnetur og afurðir af þeim frá Azerbajdsjan
  • Heslihnetur og fíkjur og afurðir frá þeim frá Tyrklandi 
  • Pistasíur frá Íran og Tyrklandi 
  • Parahnetur (brasilíuhnetur) frá Brasilíu 
  • Chilipipar, engifer, saffran, timjan, lárviðarlauf , karrí og kryddblöndur frá Eþíópíu
  • Chilipipar og múskat frá Indlandi 

Með reglugerð 915/2017 bætast við: 

  • Betellauf og sesamfræ frá Indlandi vegna mengunar af völdum salmonellu. 

Með reglugerð nr. 1077/2018

Vegna varnarefnaleifa

  • Drekaávextir frá Víetnam
  • Karrílauf frá Indlandi
  • Vinviðarlauf frá Indlandi

Með reglugerð nr. 2019/1256 (EB) er framlengd bann við innflutningi á þurrkuðum baunum frá Nígeríu vegna varnarefnaleifa hátt yfir leyfilegum mörkum og er bannið til júní 2020.

Matvæli frá Norður Ameríku

  1. Breytingarreglugerð nr. 800/2017 um að reglugerð nr. 193/2016 sé lögð niður vegna fjölda sýna sem tekin eru í ESB og eru yfir mörkum af tilteknu sveppaeitri. Og er því ekki lengur samþykkt forrannsóknagögn með útflutningi á jarðhnetur og afurðum af þeim frá Norður Ameríku.

Okratoxín:

  • Hveiti frá Kanada

Aflatoxín:

  • Jarðhnetur frá Bandaríkjunum og afurðir úr þeim
  • Möndlur frá Bandaríkjunum

Reglugerð nr. 416/2016

Reglugerð nr. 416/2016 innleiðir Evrópureglugerð nr. 2016/24 varðandi innflutning frá tilteknum þriðju löndum. Innflytjendur eða dreifingaraðilar sem flytja inn eða dreifa vörum sem reglugerðin tekur til, skulu senda Matvælastofnun tilkynningu og gögn um fyrirhugaðan innflutning. Öllum sendingum neðangreinda matvæla þarf að fylgja heilbrigðisvottorð og rannsóknarvottorð. Ekki þarf að tilkynna persónulegar sendingar sem eru minni en 20 kg.

Aflatoxín:
  • Jarðhnetur og afurðir úr þeim frá Brasílíu
  • Múskat frá Indlandi og Indónesíu
  • Sterkur piparávöxtur frá Indlandi

Heilbrigðiseftirlit sveitarfélaga 

Eftirlit með öllu dreifingarferli matvæla eftir tollafgreiðslu er í höndum Heilbrigðiseftirlits sveitarfélaga.

Kostnaður vegna innflutnings

Gjald fyrir innflutningseftirlit er skilgreint í 9. gr. gjaldskrár nr. 220/2018 fyrir eftirlit og aðra gjaldskylda starfsemi Matvælastofnunar. Eftirlitsgjald greiðist skv. tímagjaldi en einnig skal greiða akstursgjald og gjald vegna greininga á rannsóknarstofu þegar það á við.

Ítarefni

  • Eyðublað - Tilkynning um innflutning á eftirlitsskyldum matvælum
  • Komustaðir (DPE) - í athugun
  • Tollskrá 
  • TARIC - The Integrated Tariff of the Community
  • Hvað er sveppaeitur (mycotoxin)?